Follow us on social

【全土炮陣容】 港隊女子乒乓團體賽奪銅 蘇慧音:用心同堅持,真係會做到!

港隊再增獎牌!奧運女子乒乓團體賽,港隊以場數 3-1 擊敗德國,為本港再添一面銅牌。一人取兩場定下勝局的蘇慧音賽後表示:「冇諗到我地會拎到面銅牌,只要你係用心同堅持,信自己會做到,真係會做到。」

首場雙打先由港隊一姐杜凱琹及三度出戰奧運的李皓晴上陣,對德國的單曉娜及蘇查。港隊打至刁時,最終由德國隊先取一場。不過單打賽事則由港隊連追三場,其中年僅23歲的奧運新丁蘇慧音表現出色,兩場單打對戰德國的韓瑩及單曉娜皆獲勝。

李皓晴表示,整場賽事「好似坐緊過山車」,幸得兩位隊友支持。杜凱琹則認為「好似發緊夢」,多謝全港市民的支持。

教練李靜點名盛讚蘇慧音,並謂除了多謝團體,最多謝是自己,激勵了運動員努力獲得銅牌。他認為今次奧運交了很滿意的答覆大家,呼籲香港運動員「所有野唔係諗,要付諸行動先最實際。」