去除遊客的目光，嘗試用居民的視覺觀看這個海島，接收到的感覺又會否有分別？ 坪洲位於香港西面，鄰近愉景灣、喜靈洲及稔樹灣，因全島地勢平坦，所以舊稱「平洲」。坪洲面積只有不足1平方公里，卻蘊藏7幢二級或三級的歷史建築，訴說着這裏的故事。 從碼頭起步，首先最吸睛的肯定是牛皮廠及大中國火柴廠這兩幢三級歷史建築。這個小島嶼早於上世紀初是「工業重鎮」，有着過百間廠房。全盛時期全島有高達十一間灰窯廠，而火柴廠於1939年正式運作，當時更是全東南亞最大的火柴工廠，全盛時期養活過700名員工。而現在牛皮廠已被居民活化成藝術空間「秘密花園」，火柴廠則添上了壁畫，為小島添上藝術氣息。 再往內走，便可看到一所廢棄的學校——坪洲公立志仁學校。這個小島遠離市區，坪洲居民遂於上世紀30年代創建島上首間學校。學校校舍除了是二級歷史建築，更是香港少有保有「青天白日」圖案的建築物。學校自2006年因收生不足而被殺校後，校舍呈現半荒廢狀態。同樣已荒廢的還有舊坪洲戲院。戲院雖沒有評級，但卻是繼長洲戲院外第二間無法讓車輛通行的離島戲院。現在，仍可依稀看到戲院從前營運的影子。 除了以上這些古蹟，這個小島的一草一木、一磚一瓦都散發出讓人放鬆的感覺。有坪洲居民說，這裏的人很健談，只要報以一個微笑，就能夠彼此打開話匣子。哪個坪洲的場景最讓你陶醉？留言與我們分享吧！ 圖片：Kayan @yipyn 文字：Heidi @heidi.is.strong -------------------- 香港角落：直覺記錄香港，鏡頭攝下角落。 In ACOO, you can find #ACOOHKCorner.

不知你有否試過，在晚上搭飛機時，從上空看到香港的夜景，很醉人，很美。這個美景，是如何構成的？ Jun和Billy這對夫妻，在香港遍尋讓自己有「歸屬感」的地方，最終決定在坪洲定下來，開一家小店「燈隅」，丈夫沖咖啡，妻子在世界各地搜羅有趣的古物販賣，又和攝影師、畫師合作擺設小展覽。如詩如畫的生活背後，二人平日仍是「返工狗」，用兩份薪水換來這片讓人歇息、沉澱的小天地。 日本佛教有一句話，叫「一燈照隅，萬燈照國」，「每個人好似一盞小燈，發揮自己小小功能，照亮自己小小嘅角落，加埋就可以照亮好多地方」。堅持下去，或者是因為有幸遇到知音、惜物之人，又或是感恩自己能夠在別人生命中佔一席位。面對難關時，回想起自己店名，夫婦又能找到動力繼續——正因為大家每人都用力發亮，才構成了這片美麗的土地，不是嗎。 文：Heidi @heidi.is.strong 圖：Kayan @yipyn  ｜搬進小島成就緣分 自有記憶以來，Billy便很喜歡海。小時候住在屯門的他，常坐在洗衣機上，拿着保溫杯，雙眼定睛看着窗外安定邨那片還未被填平的海。長大後，Billy曾搬到荃灣，「我成日覺得荃灣係一個唔屬於我嘅地方，就算我住幾耐，我都有一種同呢個地方有種距離感。」最後決定跟隨自己孩提時的感覺，帶着自己的鋼琴，搬到坪洲這個小海島。太太Jun則笑說自己的故事並沒有那麼浪漫，「因為家庭原因，十零歲我就開始自己住。好多地方我都住過，大角咀、屯門、觀塘、西灣河、天后、西環⋯⋯無一個地方可以留得好耐。」有次探望朋友，首次踏足坪洲這個小島，便被這裏的寧靜與平和氣氛深深吸引，遂決定搬進來。 2013年，任職空姐的Jun，與朋友阿傑在坪洲一同開了一家叫「陸日」小店，在世界各地搜羅二手舊物，放假就在小店販賣。一天，Billy經過小店，問：「可唔可以要一杯Americano?」牽起二人的緣分。相識後，二人形影不離，Billy加入了成為其中一位店主，負責沖咖啡。「如果唔係搬入坪洲，我唔會認識到佢，唔會結到婚」，Jun笑說；「可能你搵到一個更有錢嘅呢？」Billy打趣道。 COVID過後，兩位店主決定分道揚鑣，與此同時Jun亦面對人生交叉點：「COVID嘅時候我生一個女，我兩隻16歲嘅貓就走咗。感覺係，我好想同個女分享我有貓，我有舖頭呀，所以好想保留呢度。」這裏遂由夫婦延續下去，加上攝影師William、畫家Heidi和咖啡師逸支持，變成「燈隅」。 ｜感激舊物、好好道別 穿過「燈隅」黃澄澄的大門踏進去，立刻便可感受到這對夫婦用舊物建構的佗寂美學。店鋪四周又以乾花佈置，角落盡處還有與畫師及攝影師合作的小型展覽。大門左手面是一張bar枱，一張沙發，Billy在開店的日子會以自家焙煎咖啡豆為大家沖咖啡；右面擺放了Jun在世界各地蒐集的古物，例如昭和風的玻璃餐具、陶瓷杯碟、撥輪電話等。 你能想像這間店的古物，大部分都是靠Jun一人帶回港嗎？「呢個係Adding Machine，係歐美地方用來會計，計數嘅嘢，佢（Jun）自己一條友抬翻嚟」，說罷，Billy艱難地抬起了「Burroughs」牌子的金屬機械計算機。Jun說：「我清咗嘅行李箱，周圍圍住啲衫，一個人抬翻嚟。搬完之後，我覺得自己成個膊頭都沉咗落去」。 Jun小時候已對舊物有特殊感情，儲過地鐵紀念票、郵票、玩具，但全都被母親扔掉。所以Jun長大後去到外地的舊物市場，她常留意能否重遇這些「老朋友」，「曾經喺紐約一個舊物市場買到一部SX 70相機，就係我爸爸用過嘅，個情景好有電影感，仲好似有背景音樂咁！」時至今日，一家人在扔東西前，仍有一個特殊習慣——認真做一次感激及道別，「如果唔記得好好道別，我個女會喊！」 ｜繼續的理由 在小島生活，租金相宜，生活恬靜，最讓人卻步的大概是交通時間加倍，Billy說：「我甚至試過有一份工喺觀塘返工，來回三個鐘，我都做咗一年幾，但我覺得辛苦啲都值得。我覺得坪洲同市區最大嘅分別係，市區就算你裝修到幾靚，你落電梯行出街，就係另一個世界；坪洲就係比較表裏如一。」 起初搬到坪洲，Jun已經感受到這裏和住在「城市」的分別：「我會話係鄰里關係，住喺出面嘅地方，可能煮飯，想借油鹽糖隔離都無人會睬你。甚至試過有人搬到我隔離，我打招呼佢唔理我。」在坪洲，到樓下走一個圈，到處都有人和自己打招呼，「直到依家，我放工喺街行，我都會覺得，呢度就係我屋企啦。對於其他人而言呢度喺旅遊、打卡嘅地方；對我嚟講，一行落樓，隔離就係一個海，呢個就係我哋嘅日常。」 開店最重要是生意，Billy形容小店不在坪洲的「市中心」，有時人流少得可憐，「我哋依家嘅狀態，唔可以叫自負盈虧，可能係自負虧虧？」但，堅持下去的原因原來很簡單：「記得有一對客人，佢哋都好鍾意飲咖啡，成日同哋傾啲關於咖啡嘅。直到有一日佢哋嚟到，突然同我講佢哋下星期飛去英國啦。雖然大家都係交心，但其實完全冇諗過我哋咁遠都會成為佢哋Farewell嘅其中一個目標。對於能夠有呢一席位感到榮幸。」 「燈隅」，意思就是：「大家都有一盞燈，就可以構成這個地方。」 In ACOO, you can see #ACOOPerson .

7月，是放榜季、是書展、是學生的暑假，也代表這一年已經過了一半。頂着大太陽步行到公司上班的你，有否懷念昔日還是學生時期的時光？ 假如給MIRROR人氣成員盧瀚霆（Anson Lo）一個無憂無慮的暑假，他會做甚麼？此時，他閉起雙眼幻想——他會行街，或許還會到旺角的商場吃撈麵，「我會叫三包麵，一定要有蒜，加中華沙律、八爪魚、鵪鶉蛋⋯⋯一定要有蒜！但唔辣。」其實快樂可以很簡單，去沙灘可以帶來快樂；聽從自己內心小孩的話，勇往直前也可以很快樂。放下迷惘與焦慮，嘗試轉一個念，一切或許也可以很OK。 文字：Heidi @heidi.is.strong 攝影：Andrew @andrew_bangchan、Hoiyan @seamouse_hoiyan 設計：PO @p12_o28 《Hey Hey OK!》是Anson Lo第一首夏日風的跳唱歌曲，MV特意到日本沖繩宮古島取景。他說：「上年年尾我收到呢個demo已經好鍾意，而我聽嘅第一秒，已經覺得同陽光與海灘有關。所以就暗暗plan住下年（2024年）暑假就出。」歌詞談「活在當下」，Anson Lo還想和大家探討「著眼點」這回事，「當你面對眼前嘅困難，你想用唔開心嘅情緒去take，定係用積極情緒去take？假如你用positive情緒處理，每一日都可以好似暑假一樣。」 講經咩？叫Anson Lo舉一個例子，他笑說：「輕鬆嘅例子就係最近，同花姐有關。我去購物，花姐就𢛴我點解要購物。當時我覺得，我都只係買少少啫，點解要咁着緊？但幾日之後我用另一個着眼點諗，其實佢都係幫你規劃人生，令你慳錢啲，而且我有好多家庭責任。好多時候你take每個人嘅message，唔好畀當刻情緒影響自己。」 ｜想做的事 VS 要做的事 踏入2024年，Anson Lo完成了很多目標，但更多是「要做的事」，而非「想做的事」。例如健身，「現階段我要做嘅事係，我要再做多啲gym。我唔知做gym嘅人有無呢個感覺，但我係唔enjoy做gym，我mainly係舉鐵，負重運動，所以我好唔enjoy，但我要做。因為我為自己許下承諾，唔想個人咁瘦咁細路仔。」 不需工作的日子，Anson Lo也會塞滿自己的schedule，健身、學唱歌，「呢啲都係我工作嘅一部分。變相呢一日其實都唔係day off」。要想新歌歌詞一樣平衡work與life，「put them all away」，Anson Lo說：「依家多咗搵朋友上嚟食飯，我會搵Jeremy、Edan，會多留時間畀屋企人。呢啲都係令自己有『I have a life』嘅感覺。唔會永遠只係push自己要有好多作品，要有好嘅body image，其實人生仲有好多嘢要珍惜。」 ｜向世界大叫「OK！」 Anson Lo對上數首跳唱快歌，例如《My Life》、《ON》等，都是走比較暗黑風路線，這次《Hey Hey OK!》的陽光舞曲風從未在他身上出現過，「每一次都係新嘗試」。 這讓他回想起小時候在父親的髮型屋剪髮，看着眼前娛樂雜誌的八卦新聞，Anson Lo自言從沒想過有一日自己會變成這些雜誌上的其中一個人，「有一格有自己嘅樣，已經係呢世人都無諗過嘅嘢」。而在出道後的這些日子，每分每秒對Anson Lo而言都是一個突破，「可能係跳bungee jump⋯⋯或者，係重返舞台嗰一年，往後行去每一個舞台，都係對自己心理嘅關口，要衝破。」 面對難關的時候，保持一顆像小孩的內心是唯一救贖，「有時候幼稚一下都無乜所謂。我覺得，你要有童真嘅心，先可以輕鬆面對所有嘢。尤其入行耐咗，好似逼住所有嘢都要好成熟處理。我都有試過去到一個位，覺得自己所有嘢變得太官腔，所有嘢都有一道牆⋯⋯有時loosen up，have fun都唔係一件壞事。」 用「OK」作為新歌hook line，也代表着這次的「撈式哲學」，「你要面對好多困難嘅時候，你要embrace自己，你要同自己講OK，Everything is going to be OK！你要對住任何未知之數都講OK，所有嘢你都會變得大膽啲？」 Hair: Denny

女團BLACKPINK成員LISA的單飛新歌《ROCKSTAR》，MV推出兩星期已有逾一億觀看。MV一開場，便看到LISA站在曼谷唐人街區域的 #耀華力路 正中心，被清空的街頭、霓虹燈及燈牌，加上地下雨水的反光倒影，讓人驚訝平常毫不起眼的唐人街，原來可以如此攝人心魄。今日，ACOO團隊直飛泰國曼谷，為你帶來唐人街在MV以外的一面。 唐人街位於曼谷的三攀他旺縣，涵蓋三聘街（Sampeng Lane）、耀華力路（Yaowarat Road）及石龍軍路（Charoen Krung Road）。當中，「耀華力」據說是由一位名為耀華力的林姓華僑因捐地而命名；亦有指是由15歲即位的泰國國王朱拉隆功（拉瑪5世）御賜，代表「年輕人掌控社稷」。時至今日，耀華力路仍是曼谷重要的商業區域。 在MV中，街頭被完全清空，但現實中的耀華力路是熱鬧非常的夜市區，在傍晚時分已經人頭湧湧。在密密麻麻的金行招牌底下（據說這裏是全世界金行最密集的地區之一），是一個又一個街頭小食攤檔，還有把行人路幾近塞滿的桌椅。正值炎夏，當遊人都汗流浹背，但拿起鑊鏟，猛火大炒的廚師看上去仍是心如止水。 夜幕低垂，此時耀華力路更是人聲鼎沸，警方甚至實施起人潮管制。大馬路兩側的矮小舊樓房，被亮起的霓虹燈及商業燈牌披上了耀眼且豔麗的衣裳——「魚翅」、「燕窩」、「中國城」、「金行」⋯⋯耀華力路這裏常被認為有濃厚的7、80年代香港街景味道，或許也是這樣的緣故。 有泰國媒體指，為了拍攝《ROCKSTAR》的MV，團隊不惜大費周章「封街」。有評論認為，LISA選擇以自己泰國取景、在歌詞提及「BKK so Pretty」，又以深棕色膚色作MV造型，是對自己家鄉的一種致敬，並大聲宣告——自己正是那位來自泰國的女兒。你看完MV後，又有對曼谷唐人街有新一番感受嗎？ 攝影：Hoiyan @seamouse_hoiyan 、Kayan@yipyn 文字：Heidi @heidi.is.strong 設計：Kayan @yipyn -------------------- ACOO角落：衝出香港，鏡頭攝下世界角落。

試回想，在你孩提時代，最能讓你感到快樂的一件事是甚麼？或許，到麥當勞大快朵頤，會是你的其中一個答案？ 小時候，部分麥當勞內的兒童遊樂場，有滑梯、爬行隧道等設施，或者有一個人一樣高的麥當勞叔叔，站在餐廳某個角落，揮手與小孩打招呼。吃着薯條，與兄弟姐妹或好友你追我逐，把玩着最新推出的開心樂園餐玩具，是一代孩子們的回憶。 談起開心樂園餐玩具，除了有該陣子上映的卡通片角色擺設、智力遊戲等等之外，麥當勞亦會間中推出自家「吉祥物」人物角色玩偶。#麥當勞叔叔、#漢堡神偷、#小飛飛、#滑嘟嘟 原來都有各自代表的食物及人物性格——麥當勞叔叔是懂魔術的小丑；漢堡神偷代表漢堡（當然），愛做惡作劇捉弄別人；小飛飛代表全日早餐，最愛早睡早起；滑嘟嘟則代表奶昔，又大又毛茸茸，是麥當勞叔叔的好朋友（上月更有新聞指，有美國網民不滿麥當勞沒有為滑嘟嘟53歲生日舉辦任何生日活動！）。 現在，我們已長大了，大部分香港的麥當勞亦已翻新。除了荃灣石圍角麥當勞仍保留了麥當勞叔叔像和蘋果批樹，可以見到這些經典角色的麥當勞已經買少見少。 哪一個在快餐店的美好時光讓你念念不忘？留言告訴我們吧。 攝影：Heidi @heidi.is.strong、Owen @wai.ho.98、Hoiyan @seamouse_hoiyan  文字：Heidi  -------------------- 香港角落：直覺記錄香港，鏡頭攝下角落。 In ACOO, you can find #ACOOHKCorner. #麥當勞 #discoverhongkong #explorehongkong #hongkongstreetsnap

你有試過做一件吃力不討好的事嗎？對無伴奏合唱團(A cappella）VSing @vsingofficial，堅持「課金」出原創歌或許也是一件任性的事——儘管每一個音部都扭盡六壬，但無伴奏合唱音樂總是只給人「和音」，甚至「配角」感，也不太多人會仔細了解一首好聽的A cappella是如何煉成。 事實上，VSing六個成員，都是獨當一面的音樂人，例如音樂總監Anna在麻省理工（MIT）及柏克萊音樂學院畢業；她又曾與黎明、陳慧琳等知名歌手合作；女主音Sharon是女子組合COLLAR成員Ivy So和Candy的歌唱老師；男主音Bernard是皇家音樂學院碩士生，常為歌手錄製大提琴與和音部分，其他成員都分別是歌唱老師、專業演唱會伴唱、編曲家等等。VSing未必是成員們在音樂路上最讓人感到亮眼的一章，但他們卻異口同聲說，自己愛的正是挑戰將人聲與人聲融為一體，更是born to be屬於A cappella。 Bernard這樣形容A cappella：「六個人加埋，唔同嘅聲音，但向住同一個目標，呢種係最特別最特別嘅。」；Anna亦認同：「人聲就係最直接嘅樂器。如果夾得好，好似打機咁過關斬將，特別過癮」。在這個攻關的旅途，他們「終極大佬」是希望把A cappella帶入主流。新歌《I Wanna Wanna》，為他們大聲說出了心底的宏願。 文字：Heidi @heidi.is.strong 攝影：Andrew @andrew_bangchan 設計：Kayan @yipyn ｜鑿破一種面向 談及A cappella，你或許馬上想起社交平台上的「acoustic cover」，柔和地翻唱別人的串燒金曲。VSing卻一直堅持以無伴奏形式創作流行歌曲。節奏口技雞腳說：「我啲阿叔，或者年紀大嘅人都會覺得，成班人（A cappella）嘰哩咕嚕，唔知做乜⋯⋯以往（大眾嘅）想法係，覺得A cappella好靜，但其實A cappella都可以好爆。」 VSing新歌《I Wanna Wanna》的副歌不斷重複「I wanna wanna」，頗有K-Pop的韻味。負責作曲的Anna解說，這是流行曲的「hook line」，意思是「勾住你的心」。雞腳也分享，這次他嘗試了加入一個低頻率，聽起來像是有非人類、機器感一樣的聲線，就像近年K-Pop流行常出現的電子鼓聲音——讓歌曲更Pop，同時也是一種自我挑戰。 K-Pop和A cappella，好似大纜都扯唔埋，Bernard解釋：「合唱嘅嘢，一係就relate到choir，一係就小清新。但其實如果你肯嘗試explore，有啲A cappella group唱出嚟嘅嘢，可能同一隊真band無分別。原來呢個genre有好多可能性。只要你願意聽，你會發現A cappella乜嘢風格都玩到。」Anna補充：「好多人覺得A cappella好細聲好溫柔。當然唔係啦！A cappella唔係一種風格，係一個形式。一隊band，都係玩呢啲樂器，但佢都可以玩好多唔同風格。其實我哋音樂一啲都唔奇怪，都係唱流行曲；我哋都係一隊band，只不過我哋嘅樂器喺口入面。」 ｜被A cappella Hook my heart 說到這裏，你可能有個疑問，那我為何不選擇聽單純的Pop Music就好？或者是，他們為何要堅持做無伴奏合唱音樂？ Anna自小便發現無伴奏合唱音樂的美：「中學時候輕輕嘗試過，keep住都好鍾意人聲『和』出嚟嘅聲音，好直接亦都好有 impact，係最直接嘅樂器。」而Sharon對A cappella的愛，源自它的挑戰性，更是因為它將幾個人的聲音合而為一：「我18歲後離開葉氏兒童合唱團後，機緣巧合到青協香港旋律試音。一開始完全唔識咩叫A cappella，但日子耐咗，唱開mmo嘅我覺得a cappella對於音準準確度，人聲同人聲點樣可以融為一體，難度比起有伴奏音樂高好多，而我好鍾意呢個挑戰。」 Bernard亦是被A

經過亞皆老街一帶，你有無留意有一幢一級歷史建築物？ 無錯，講緊嘅就係中電鐘樓文化館啦。中電鐘樓喺2018年被評為一級歷史建築物，經過活化後，2023年搖身一變，成為中電鐘樓文化館（文化館），入面有三個常設展覽，可以睇到香港電力嘅發展，仲有中電嘅大股東嘉道理家族對香港嘅貢獻，另一個就係由非物質文化遺產辦事處策劃，介紹多個本地非物質大化遺產項目嘅展覽。除咗參觀活動，文化館又透過舉辦唔同主題嘅體驗活動推廣減碳同可持續發展嘅訊息。 呢個暑假，文化館更加聯同一班本地文化創意達人以「鐘樓角樂•發掘夏日小亮點」為主題，喺6月25日至8月7日推出一連串文化創意活動，喺推動社區聯繫之餘，又可以展現本地文化創意嘅魅力！ 講咁耐，究竟有乜玩先！ A）設計小亮點： 🎨微型藝術工作坊 微型藝術家安泰（戴佑安）教大家利用鋁罐、牙膏蓋等物料，還原70年代家居環境，升級製作一盞微縮模型座枱燈！ 日期：7月20日（六） 時間：10:30am - 1:00pm / 2:30pm - 5:00pm 名額：每場15人 語言：廣東話 🎨扶手編織裝飾 正門扶手增設期間限定編織裝飾，有小燈泡、電飯煲、電動車等，仲有一個小鐘樓，唔好錯過呢個色彩繽紛嘅影相打咭位！ 展出日期：6月25日（二）至9月22日（日） B）創意小亮點： 🧠可持續未來工作坊 一邊玩積木，激發創意，一邊認識香港嘅能源組合，仲可以集思廣益，點樣可以將可持續發展嘅概念應用喺日常生活中！ 日期：7月12日（五） / 7月26日（五） 時間：3:00pm - 5:00pm 名額：每場18人 語言：廣東話 🧠咖啡渣手工皂工作坊 利用咖啡渣升級再做，身體力行物盡其用，製作既環保又健康的手工皂！ 日期：7月14日（日） 時間：11:00am - 1:00pm / 3:00pm - 5:00pm 名額：每場16人 語言：廣東話 C）社區小亮點： 🏘歷史專題講座「何塘閱識」 歷史掌故專家蘇萬興先生同你分享文化館鄰近嘅何文田同九龍塘有趣嘅歷史故事同埋趣事！ 日期：7月6日（六） 時間：11:00am - 12:30pm 名額：現場30人，網上同步直播 語言：廣東話 🏘豎琴與眾同樂 豎琴療癒師陳雲玲女士喺鐘樓為大家用豎琴彈奏兒歌，尋找昔日童年回憶，平靜心靈。大家仲可以同豎琴近距離接觸。 日期：7月28日（日） 時間：3:00pm - 4:00pm 名額：100人 有興趣嘅你哋快啲去文化館網頁了解更多活動同報名詳情啦！ 除咗上述嘅活動，6月25日起參觀者仲可以喺鐘樓唔同嘅角落，收集鐘樓印章換取精美鎖匙扣盲盒！而文化館IG（@clpulsehk）更加會喺6月底推出有獎問答遊戲，完成簡單任務後，你就有機會獲得靚靚鐘樓布袋一個啦！！有得玩有得學嘢仲有小禮物，等緊你一齊參與呀！