【條女畀人話係癲婆！】條女Drag住出巡尖沙咀　Serrini：「學識尊重已經好好」

586

【條女畀人話係癲婆！】條女Drag住出巡尖沙咀　Serrini：「學識尊重已經好好」

撰文：ACOO

12-07-2021

上星期Serrini學「做Drag」，令粉絲狂嘩！化好妝嘅騎呢小清新，拍住Drag Queen Leon行出尖沙咀，到底會有乜嘢效果，BB、細路、老人家接受完佢哋嘅視覺衝擊，又會有咩反應？立即睇片！

【香港元祖級DragQueen】從「對LGBT界別0貢獻」到「無慈善show不接」變裝皇后Tina流着Drag的血走過抑鬱低谷與小眾同行

台上的燈光逐漸昏暗，迷人的紫色聚光燈映照着她身上的蕾絲裙子。她拿起貼滿水鑽的咪高峰，忘情地唱着「I want nobody nobody but you / I want nobody nobody but you」，又婀娜多姿地隨着音樂起舞，一舉手一投足都散發攝人心魄的嫵媚。在台上她是Tina，在台下他叫Teddy；台上的她是一個drag queen，在台下他是gay bar的bar manager。她是全港現役年紀最大的drag queen，他也是抑鬱症和驚恐症的康復者。曾經有一段長時間Teddy只敢躲在家，更一度有輕生的念頭——最後，也是Tina和drag這回事，拯救了他。文：Heidi Wong @heidi.is.strong | 圖：Mak @iunyi_ Tina說，「Drag Queen」這個字來自英國，「以前英國話劇，當有男生飾演女生嘅角色，就會稱為drag queen。」時至今日，Drag Queen會用以形容只有在表演時候才扮演女生的男生，而他們的裝扮及肢體語言會比一般女生來得誇張。要談起Teddy與drag的淵源，時光便要倒流到1995年。一如老套的劇情，當年20歲出頭的Teddy陪朋友參加變裝比賽，朋友慫恿他也嘗試參賽，「佢幫我化妝，最後一個獎都無攞到」。後來，同年萬聖節，當年紅極一時的餐廳Planet Hollywood舉辦變裝比賽，贏家獎品為1萬元現金獎，他遂精心自製服飾，和朋友成了「獎金獵人」，「第一年我扮蜘蛛精、第二年扮alien mermaid，都攞咗冠軍。」 //就係要做出面睇唔到嘅嘢// 贏獎金之外，Teddy慢慢發現，變裝這回事不只是「扮女人」，更是「扮演一個角色」。每個drag queen都有自己的風格，「真係好似花旦，要有自己嘅character」，有些人標榜自己是唱跳能手，Tina最厲害的絕活是「lip sync」，當喇叭播放着女歌手的歌聲，Tina的咪嘴跳起舞來，幾可亂真，「我要練得滾瓜爛熟，起碼每條片要睇500次。」 Tina走諧趣路線，其最「引以為傲」的表演是Christina Aguilera的《Mercy On Me》，「Jesus, I must confess……」，他輕輕哼唱着，「呢首明明係一首好認真嘅歌，講自己要懺悔，但當我唱完呢一句之後，我掀開條裙，我個『gapgap』痴住咗好多condom，之後我逐個掹開，拋落觀眾席，condom入面我仲放咗護髮素，我一邊拋一邊講笑話，我做咗好多壞事，好淫蕩呀。」Teddy憶述時不住大笑，「大家一聽都會覺得好好笑，drag queen就係要做出面睇唔到嘅嘢。」 20多年前的社會，能夠接受如此思想前衛的事情嗎？「喺的士有啲阿叔會驚，反而女人好少會驚我，我都會話比阿叔聽，我係花旦，我做show㗎。委屈又無試過，因為Tina自信心好強，你真係好難打擊到佢。」Drag對Teddy和Tina而言有着攝人的魔力，「從drag入面，可以滿足我對髮型、化妝、時裝設計、舞蹈各種藝術嘅追求，仲將我另一個性格搵出嚟，每次上台都會有巨大成就同滿足感」，教他不能自拔。 //走過抑鬱// 2017年，Teddy的人生迎來一場巨變。 Teddy的男友本經營食肆，因投資失利，餐廳分店接二連三倒閉，二人「大屋搬細屋」，「我捱窮唔緊要，但我緊張我男朋友。後來發現，原來一開始嘅時候我已經好緊張，但我無同人傾訴。」他逐漸不能下嚥，更開始心悸、心痛，又變得易哭，「嗰陣我個心好似有鬱結咁，手腳無力，個腦諗唔到嘢，個人好驚、我唯一諗到唔想再痛，點算？自殺囉。」在Teddy差點下手之際，他接到好友的來電，「佢話，比半個鐘時間你梳洗，半個鐘後樓下等，一齊食早餐，我喊住話，我要依家見呀！之後我衝落樓下，見到佢跑過來，我哋兩個喺條街攬住喊咗半個鐘。」最後，Teddy被送到醫院休養，出院後他對好姐妹，另一位Drag Queen Coco Pop說：「我可以行出街，同人傾計啦。不過我仲差啲嘢。」「差啲乜？」Coco問。「我仲差自信心。」 //植根血液的熱愛// Coco二話不說，說要為Tina開一個show，「幾個姐妹一齊賣飛，其實大家主要都係幫我出返嚟。」 Tina重出江湖的那一天，如同戲劇般一樣難以忘懷：「一走出台，我好記得對腳都仲喺度震，但音樂一起，我手手腳腳啲血，好似毛管棟咁，霹靂啪啦咁！」放眼台下，一片人海，全部都是一直愛她的觀眾，奮力大喊「Tina！Tina！」，「Oh My

Drag Drag Queen Miss Tina Ugly Haira ...