如果偶像能為你做一件事，你的願望會是甚麼？合照一張、簽名，抑或為你獻唱一曲？

與偶像的距離，實在限制了我們的想像力。試幻想，他在百忙行程中抽空，讀過你一字一句書寫的訊息，再把回應變成溫柔的文字和旋律，只為你隔空打氣。但可能嗎？「因為以前細個唔開心或者失意嘅時候，都係聽歌去渡過嗰段難關，我都好想透過音樂作品畀到力量大家。」柳應廷（Jer）讀過樂迷對未來感到迷茫的傾訴，便想到大學畢業後不顧一切追逐音樂夢的自己，從寂寂無名的街頭藝人走到今天，把這些跌過撞過的痛寫成《不要活成自己討厭的模樣》，讓樂迷就如當天的自己一樣，在他的作品中找到支撐自己多走一步的力量。

文字：Hoiyan @seamouse_hoiyan
攝影：Andrew @andrew_bangchan
設計：Owen @wai.ho.98

｜我的夢想徘徊在現實與理想
「其實我由細到大都冇話有一個夢想做歌手。」話雖如此，但訪問時即使Jer輕鬆說話也「聲如洪鐘」，而且渾厚飽滿的嗓音帶着穿透力，果真是老天爺賞飯吃的證明。

大學時期，Jer開始與朋友一起組樂團玩音樂，這一開始便令他喜歡的不能自拔。畢業後，Jer全職玩音樂兩年，每天睜眼閉眼也與音樂為伴，拼盡全力但收入仍然極度不穩，「唔同表演都有所謂嘅車馬費，有時落街busking都有around幾百蚊一日。」能捱過窮，也不是責任，那絕對是愛吧！既然喜歡，為何不朝着「歌手」的目標直線前進？「香港入行都真係幾難，覺得自己同娛樂圈有一個斷層，永遠都唔會接觸到，所以唔係話唔想，而係覺得冇機會。」對於Jer而言，這是既開心又痛苦的時期，「現實與理想，玩音樂係純開心，但想畀好多人聽到（我嘅音樂）個距離就好遠囉。」

有了愛，不怕窮，但終究還是需要背起責任。雖然Jer的家人不曾向他施加壓力，但他也下定決心找一份全職工作， 「點解我會搵工，就係我都過唔到自己嗰關，好似頹廢咗兩年，係時候要做下嘢。」

｜掙脫成為一粒齒輪
當了娛樂記者後，Jer的生活重心徹底改變，以往一星期七天的busking只剩下一天，魚與熊掌難以兼得，他說：「真係要好大嘅精神力先支撐到。」終究只是凡人，當體力負荷已越過臨界點，他只能短暫放下音樂。然而，比起肉體的累，更易讓人放棄的是心靈折磨。

初時，因為全新的工作環境，加上有很多需要學習的事物，所以痛苦的感覺尚未浮現，Jer說：「我諗一年開始，每日都好似一個齒輪咁，雖然呢個行業叫做新鮮感多啲，但係嚟嚟去去都逃唔過要做形式化嘅嘢。」此時，ViuTV的選秀節目《全民造星》出現，即使在親姊姊潑來冷水「唔好發埋呢啲明星夢」，他亦堅信自己試一次：「已經有想走的念頭，咁啱就遇到比賽係一個機會，不如索性就真係辭職。」

雖然在比賽的20強止步，但Jer的天賦被節目監製黃慧君（花姐）看見，並邀請他加入唱跳男團「MIRROR」。就在一切準備要起飛時，他拒絕了。

｜發生在聚光燈背後的故事
「因為嗰陣時花姐邀請我加入一個跳唱男團，跳舞唔係我擅長嘅嘢。」同時因為Jer在比賽時接觸過戲劇、跳舞等不同表演，讓他更清楚自己想做的就是唱歌。但畢竟「走得遠，比走得快來得有意思」，在Edan和其他朋友的鼓勵下，Jer便決定接下這個沉重的挑戰。

「一開頭加入團體嘅時候，非常之吃力，因為我冇舞蹈底子，而佢哋個個都跳咗十幾二十年。」氣餒的心情變成藤蔓，在舞蹈教室中不斷滋長，把Jer捆綁在那裏，「可能佢哋用一堂時間已經跳到成隻舞，我就用十堂嘅時間，返到屋企都繼續練。」幸好，隊友看到落後的Jer，每每都願意停下腳步扶他一把，「因為我記嘢好慢，手腳又唔係好協調，佢哋見到我咁吃力，都會幫我重溫。」

這是一段是在幸運背後，沒有人看到的辛酸。在夢想之路，沒有人能一蹴而就。

｜不要活成自己討厭的模樣
經歷近兩年的團體時期，與隊友一起創造了不少歷史，Jer也終於迎來SOLO機會，先後以「物語」和「重生」三部曲引起關注，不論歌曲主題或曲風也令人驚艷，他爽朗地笑着說：「由細聽到大嘅歌、想講嘅訊息，都會喺自己嘅歌入面呈現，我覺得係一個回憶錄，記錄每個階段嘅狀態。」

看似一帆風順的這幾年，其實也暗湧不斷。也許因為歌曲主題較艱澀，亦非較主流的情歌，令Jer有感自己的作品算是主流中的小眾，「團隊其實放咗好多時間心機喺我啲歌度，我成日都好想一齊做出嚟嘅作品會多啲人知，呢個係我近年會出現嘅內耗。」同時，Jer看到不少樂迷和朋友也在人生路上「卡關」，靈感來了便決定做一首《不要活成自己討厭的模樣》，記錄當下也陪伴大家找到出口，「你都要用盡方法搵到令自己開心（嘅事），或者鍾意嘅生活模樣，千祈唔好妥協成為齒輪，未必係現階段講完就要即到搵到。」正如他，也是從那個背着簡單器材在街頭演唱的男孩，經過許多不為人知的苦楚和壓力，才擁有一個屬於自己的舞台，Jer續言：「唔好因為驚『我做唔到㗎喇』就打低自己，我做到歌手都係因為我第一步跳出嚟玩比賽，嘗試咗第一步先有之後嘅嘢。」

迷茫時，就聽Jer的歌從中汲取前進的勇氣，這也是Jer的目標：「演唱會係一個好好嘅渠道，希望大家可以攞到個動力，溫暖、開心咁離開，呢個係我最想透過音樂畀到大家嘅力量。」

In ACOO, you can see #ACOOPerson.

————————————————————————————
5月31日，Jer將會在#KKBOX香港風雲榜2025 演出，親自為每一位對未來感到迷茫的人打氣。

《Katch 音樂娛樂平台呈獻：第七屆 KKBOX 香港風雲榜 － The Beat Goes On》
日期｜2025年5月31日（星期六）
時間｜8:00PM
地點｜亞洲國際博覽館 Arena
票價｜HK$1,280／HK$1,080／HK$880／HK$680
（門票組合包含指定區域門票一張 + KKBOX 60天標準音質計劃）
4月24日 12PM｜KKTIX 公開發售