今次米姬同大家出遠門，攀山涉水去到坪洲！為嘅除咗係畫一隻屬於自己嘅彩瓷碟，更加想同大家介紹一位擁有超過40年畫彩瓷經驗嘅老手。佢雖然唔執著去傳承同發展呢門手藝，反而再三強調兼提醒一班後生仔，依家呢個時代最緊要搵到食，但咁多年依然一邊話辛苦，一邊自己打理彩瓷店，仲開埋畫牒班，對彩瓷嘅鍾愛，知佢咩料啦！今集2359就帶大家一齊同呢位有趣嘅彩瓷老手傾下計啦！