來自馬來西亞的李幸倪（Gin Lee），小時候透過電影及電影歌曲第一次接觸張國榮和梅艷芳，深深被二人的聲線及演出吸引，之後開始搜尋他們的其他作品，「一首一首認識佢哋唔同時代嘅歌曲，了解多了，每一次study佢哋嘅作品都有好大得着。佢哋嘅舞台魅力、個人風格、信心……就好似喺台上發光一樣，都好啟發住我要做好歌手嘅角色。」

在4月22日舉行的「趙增熹 X 李幸倪 X 《金枝玉葉2》」，是首屆「香港流行文化節」的開幕節目。當日Gin Lee演唱由著名音樂總監趙增熹重新編曲的張國榮、梅艷芳經典電影歌曲。雖然舞台經驗豐富，但每每在演唱前輩的經典作品時，還是會感受到莫大壓力，「呢兩個前輩喺全世界都好多人鍾意，每一首作品都為人熟悉，而且今次演唱嘅係電影歌曲，大家都對呢啲歌曲有概念。」

要把經典重新演繹，Gin Lee說自己會調整心態，「我會從自己出發，將我呢個年齡經歷過嘅，加上佢哋原本嘅感覺，睇吓點樣可以combine，唱出原裝感覺又有自己嘅風格」。

Gin Lee看着年輕，但其實入行已十餘年，對比剛入行的樂壇，她認為現在更加生氣勃勃。她盼望香港音樂會出現更多不同風格的歌手、作品，讓香港以外的觀眾都能感受到香港音樂的多樣性。

她認為年輕新一代應盡情創作、Be Yourself，同時亦要多花時間研究、練習、打好基本功，那麼就能雙得益彰，走得更遠。寄語：「盡情發揮你哋嘅創意啦！去create、去做一啲你哋覺得正嘅嘢！」