Follow us on social

Follow us on social

633

【陳伯健身】38歲陳柏宇挑機63歲爆肌阿伯　拗手瓜面容扭曲　靠意志力取勝嘅項目係……

撰文：ACOO
16-07-2021

健身係年輕人專利？呢位63歲嘅伯伯隨時健碩過你！陳柏宇挑戰有45年健身經驗嘅筋肉老爺羅樹鈞 ，拗起手瓜上嚟，操肌多過Jason食米嘅佢毫無疑問大獲全勝。 你又中意老爺定係Jason嘅體型呢？

健身年紀羅樹鈞衝擊300秒陳柏宇

相關文章

即將在本月27日於九展Star Hall開show的Jason和Sophy，過往交集不多，以為訪問現場會偏向沉悶，誰知對答默契十足，陳伯認真解釋自己「長氣」原因，而外表cool到爆的Sophy更即席搞gag，至於好唔好笑，就等你畀分！ //例牌題目：「你覺得佢點呀？」// Sophy本身以為Jason好有前輩架子，接觸過後發現親和力高、是個暖男爸爸、有耐性、喜歡與人聊天，「本身以為佢會『係』、『唔係』，好cold咁。」 Jason接過話題：「我係好鍾意解釋㗎！」他立即發揮長氣本色，解釋點解鍾意解釋：「每個人嘅interpretation都唔同，你用得越多唔同嘅方法去interpret你諗緊嘅嘢，人哋就會理解得越多、越仔細你對一樣嘢specify嘅諗法。」 //Jason的長氣// Jason繼續解釋自己的解釋：「畀幾個字你，每一個人都會有各自嘅interpretation，就係透過一啲elaborations去分辨仔細嘅分別」。他表示：「我唔認同當你好明白一樣嘢嘅時候，你就可以用一個好簡陋嘅方法，去講佢出嚟。」 對於Sophy的認識，他亦用他的方法去「解釋」：「佢prefer奶茶over檸茶、prefer雞全翼over雞髀、鍾意日本多過泰國、鍾意冬天多過夏天、鍾意海多過山。」至於性格，他的評價是：「合理，合理係一個好高嘅評價嚟㗎！」 //Sophy的幽默// 雖然音樂會未開show，但是他們已經在某件事上擦出火花 - 搞爛gag。以為Sophy好cool？原來擁有一顆幽默的心。她對Jason的評價是：「佢都有啲幽默位，喺爛gag界別嚟講係好笑嘅，我鍾意嘅。」她補充：「我今日有覺得（幽默感）被get到，我好榮幸我嘅幽默終於畀人見到。」 話口未完，Sophy立即搞gag，問到最想唱Jason哪首歌，她說：「最近我有個MV有架開蓬車，想去學車，咁就唔使拖車，所以我想唱 - 《車匙》，我想『手中緊握車匙』。」 Jason接力：「我仲有首歌叫《Jeep》㗎其實！」 之後二人的對話是

廣東歌   我是現場   王嘉儀   ...

見到「Fight For」二字，你會諗起啲咩？一份前途無限嘅好工、盡快儲到首期上到車、得到心儀對象嘅青睞，定係完善選舉制度，加強保護國家安全？放喺唔同身分、唔同地位，以至唔同職業嘅人身上，大家爭取嘅嘢自然不盡相同，如果係一個流行樂歌手呢？有「隱世高手」美譽嘅陳柏宇（Jason）剛剛完成咗佢喺紅館一連兩場嘅演唱會，正正係以「Fight For ___」為題，其中「 ___」嘅自由填充部份實在係畫龍點睛之處，喺此時此刻嘅香港，我哋又有乜嘢需要fight for、值得fight for?   Jason「隱世高手」嘅稱號係幾年前由廣大網民賜封，「高手」當然係讚賞佢嘅實力，「隱世」或多或少係嘆息佢值得更多人嘅關注；的確，Jason一直以來都專注喺佢嘅音樂事業，並無好似好多同輩同行咁歌影視多棲發展，就連廣告代言都唔多見，全副心機都係放喺做歌、出歌之上，同時佢嘅演出永遠都係唔會令人失望，不但技巧充足，而且水準穩定。高手再隱世，始終都會得到有識之士嘅賞識同認可，2017年，Jason正式完成所有香港流行歌手嘅夢想，成功走上紅館舞台舉行一連兩場「陳柏宇Speechless演員會2017」。   要開一個紅館個唱，從來都唔係一個咁容易嘅任務，事關香港樂迷同觀眾一向受到嘅灌溉同培育，上得紅館，歌手總係需要飛天遁地、耍盡十八般武藝，噴火吞劍樣樣齊；對於Jason一個一直咁純粹地醉心喺音樂事業嘅歌手，難度都唔可以話唔大，但係佢都絕對係交足100分嘅功課，拿手好戲嘅專心唱歌固然絕無欺場，就連佢明顯唔熟練嘅載歌載舞場面，都一樣落力十足，直到演唱會尾聲，佢甚至滿足埋社會大眾對男歌手開個唱嘅「基本」要求：除衫，專業指數簡直爆燈。   4年後嘅今日，Jason第一樣fight for嘅就係一個佢心目中理想演唱會嘅模樣，足足整個上半場，佢完完全全係以歌會友，唔做半點多餘嘅嘢，專心唱歌，然後繼續專心唱歌，佢嘅歌聲當然仍舊係保持喺甚高水準，然後整個編排佈局更加係極具心思，由個人故事開始講起，並由成長階段中經歷過與至親嘅分別，逐步過渡到我城近年比比皆是嘅離合散聚，先見自己，再見眾人；神奇嘅係，以往嘅陳氏苦情情歌，今天再去細聽，竟也聽出其他更多意思，令人睇到更深意境：「要搬家，路上或更可怕；誰所有舊恨拒絕放下？誰亦有著缺陷你知嗎？」（《感情這回事》）。   不但係聽者有所感應，歌者都同樣深受觸動，「今天起各有逸後，如火花攜不走，無需要定擁有；曾相擁曾牽手，在心裡仍足夠，願我所愛以後帶著笑口便無憂」，唱到首本名曲《逸後》時，Jason更加係激動得久久未能平復，歌都唱唔到落去，觀眾一邊睇住螢幕放映著香港人過去一年半載都非常熟悉嘅離別畫面，一邊全場全情和唱，現場思緒濃烈而複雜；人生總有歡喜，難免亦常有淚，抹乾眼淚之後，Jason都繼續Fighting：「頭如何疲倦了也要抬得起，我就算沒有閃光燈被拋棄；生於寂寞世界更要強壯地，很尊嚴地和逆流做知己」，喺呢度都以Jason嘅《對得起自己》同一眾同路人打打氣：「燃燒的理想，明知不理想，仍必須衝上。」  

演唱會   陳柏宇   香港人   

陳柏宇相隔四年再開演唱會！成日話自己唔叻記歌詞嘅陳伯，今次為咗個唱絞盡腦汁背歌詞。今集2359 Ceci 就一於考考佢，將Jason嘅經典情歌全部 Google Translate成英文版！Looking back and smiling… I can cook by myself… 喺加拿大長大嘅陳伯，會唔會估到又唱到呢？即刻去片啦！（片尾仲有陳伯獻唱嘅小驚喜） @ckw720 @ceciwuchingsze Hair: Alex So @ the attic Make up: Jessica Chan Wardrobe: Bed J.W. Ford (SWANK), HOAX 《FWD 富衛保險呈獻：陳柏宇Fight For ___ Live in Hong Kong Coliseum》 日期：2021年12月10日及11日（星期五及六） 時間：晚上8時15分 地點：紅磡香港體育館

歌詞   演唱會   陳柏宇   

一連5集衝擊300秒 ，喺朱栢謙嘅引領之下， 許廷鏗透過演戲去突破自己嘅各種枷鎖。有觀眾話想睇吓Alfred真情流露嘅足本演出，許版嘅《喜劇之王》同《激戰》，大家會畀幾多分？ 重溫許廷鏗衝擊300秒 灑淚演繹《演員的自我修養》 https://bit.ly/3ziY3DR 再現《激戰》名場面： https://bit.ly/3B4YQKw 挑戰《喜劇之王》： https://bit.ly/3i9LXpD扮完姜濤學補鞋 https://bit.ly/3B4nquK 喬裝busking撐素人 https://bit.ly/3zMF2uJ

《喜劇之王》   《激戰》   朱栢謙   ...

經過兩日一夜禪修之旅、畀蚊咬咗一晚之後，百厭嘅方紹聰竟然同釋慧龐大師講起佛偈，而且講到似模似樣，唔通真係頓悟？佢點解又話自己會落地獄？ 衝擊300秒奶仔篇下集，睇下佢係咪真係成功洗滌心靈，唔再執著！

佛偈   奶仔   洗滌心靈   ...

出名口花花嘅奶仔（方紹聰），喺娛樂圈追名逐利11年，突然要跟高僧上山學佛？見住奶仔喺師傅面前玩beatbox，入寺之前仲要上IG打卡，呢兩日一夜又要受戒又要赤腳化緣，真係唔樂觀

奶仔   學佛   方紹聰   ...