搜尋結果: #衝擊300秒
【即時上映】影壇新人許廷鏗電影預告片（偽）曝光 挑戰周星馳《喜劇之王》張家輝《激戰》 全情投入交足戲
一連5集衝擊300秒 ，喺朱栢謙嘅引領之下， 許廷鏗透過演戲去突破自己嘅各種枷鎖。有觀眾話想睇吓Alfred真情流露嘅足本演出，許版嘅《喜劇之王》同《激戰》，大家會畀幾多分？ 重溫許廷鏗衝擊300秒 灑淚演繹《演員的自我修養》 https://bit.ly/3ziY3DR 再現《激戰》名場面： https://bit.ly/3B4YQKw 挑戰《喜劇之王》： https://bit.ly/3i9LXpD扮完姜濤學補鞋 https://bit.ly/3B4nquK 喬裝busking撐素人 https://bit.ly/3zMF2uJ
【奶仔看破紅塵？】洗滌心靈失敗？ 奶仔（方紹聰）百厭挑機 「有冇人鬧過你乜都唔做就有錢」
經過兩日一夜禪修之旅、畀蚊咬咗一晚之後，百厭嘅方紹聰竟然同釋慧龐大師講起佛偈，而且講到似模似樣，唔通真係頓悟？佢點解又話自己會落地獄？ 衝擊300秒奶仔篇下集，睇下佢係咪真係成功洗滌心靈，唔再執著！
【奶仔學佛掂唔掂】由玩世不恭到被高僧馴服只需兩日？ 奶仔（方紹聰）學佛冀拋開煩惱 「教我做一個好人」
出名口花花嘅奶仔（方紹聰），喺娛樂圈追名逐利11年，突然要跟高僧上山學佛？見住奶仔喺師傅面前玩beatbox，入寺之前仲要上IG打卡，呢兩日一夜又要受戒又要赤腳化緣，真係唔樂觀……今集衝擊300秒 ，睇下煩囂都市人，到底可唔可以放下、自在。
【不安於固定就會越強】成為「全民造星IV」導師前最後試煉 許廷鏗衝破情感禁區 灑淚演繹《演員的自我修養》 「人人話我妄想，我要做我的劇場」
經過「大台」歷練，出道12年嘅許廷鏗，喺朱栢謙嘅引領之下，終於搵到打開內心嘅鑰匙。最後一集，Alfred用全新心態重新演繹《演員的自我修養》，見證「心有多大，舞台就有多大。」 片尾仲有朱謙唱如果一天！ 演員的自我修養 曲：朱俊傑 詞：梁栢堅 編：阿權 Edward Chiu 監：于逸堯＠人山人海 主唱：許廷鏗 小角色 一個小角色 請你不要輕看 開鏡中 彷似於鏡中 把我一再觀看 細緻到神情到髮型化妝 細緻到皮毛有皺紋滲汗 外而內 走到內而外 方會把我掩蓋 一秒鐘 都有得發揮 興建自己大台 每個過程成我角色 發放就別要壓抑 誰人亦會 去創造奇蹟 人人話我妄想…
【陳伯健身】38歲陳柏宇挑機63歲爆肌阿伯 拗手瓜面容扭曲 靠意志力取勝嘅項目係……
健身係年輕人專利？呢位63歲嘅伯伯隨時健碩過你！陳柏宇挑戰有45年健身經驗嘅筋肉老爺羅樹鈞 ，拗起手瓜上嚟，操肌多過Jason食米嘅佢毫無疑問大獲全勝。 你又中意老爺定係Jason嘅體型呢？
【陳伯教zoom】「曬B狂魔」親嘗zoom教學 體會老師唔易做 陳柏宇：「我唔知終點喺邊」
家長留意！遙距教學成為疫情下嘅大趨勢，廿四孝爸爸陳柏宇喺今集衝擊300秒跟資深幼兒教師MissBlue學嘢，帶埋得意活潑嘅兩歲半囡囡Abigail上zoom class，點樣先可以令到課堂更順利，小朋友學到更多嘢？立即睇片學番幾招啦！
【陳伯唱戲】陳柏宇化身新晉文武生嚇親囡囡 試唱粵曲版《悔過書》 派台新歌竟然係……《鳳閣恩仇未了情》！
上回講到，陳柏宇向粵劇演員兼編劇黎耀威拜師學大戲，說時遲那時快，陳伯已經出師，仲初試啼聲，化晒妝演繹粵劇經典唱段《鳳閣恩仇未了情》！黎師傅亦不甘後人，用粵曲腔口試唱Jason嘅《悔過書》。「師徒」二人，唔知會有咩得着呢？
【陳伯學戲】學大戲耍花槍唱「何車」 名伶弟子黎耀威調教粵劇陳柏宇 「戲曲演員有好多忍耐」
粵劇唔一定係老人家玩意，外號「陳伯」嘅陳柏宇 Jason Chan ，早排學完唱歌，今次就向年方37歲，但已經聲名在外嘅粵劇演員兼編劇黎耀威拜師學大戲！理論同問題同樣多多嘅Jason，面對學師時候「問多句都唔敢」嘅黎師傅，唔知溝唔溝通到，可以學到幾多嘢呢？粵劇圈同娛樂圈，又有咩相同之處呢？立即睇片！
許廷鏗扮完姜濤學補鞋 訪美孚50年小店拜師 牙醫歌手：「爛咗之後你選擇修補定放棄？」
【修補師超連結】許廷鏗出道12年，一直牙醫、娛樂圈兩邊走，總有原因。 衝擊300秒帶咗Alfred去美孚根記搵蘇師傅學補鞋，呢兩個同樣以「修補」為己任嘅專業人士，竟然產生唔少共鳴！喺呢間有50年歷史嘅小店，Alfred又會探索到一個點樣嘅自己？ #後記有Alfred自我剖白 #要睇到尾
忘掉他是許廷鏗 喬裝busking撐素人 街頭唱姜濤名曲《蒙着嘴說愛你》「佢哋放棄咗好多嘢嚟堅持落去」
無論係外型定出身都贏在起跑線嘅許廷鏗 ，冇咗一身光環之後，會係點嘅呢？ 衝擊300秒 帶Alfred同busker GuoGuo、子博，喺旺角街頭經歷咗一次入行12年前所未有嘅素人體驗。睇到喬裝成「外國表哥」嘅許廷鏗唱《蒙着嘴說愛你》，觀眾反應係……