「送畀仲碌緊IG嘅你～」
「送畀突然間唔開心嘅你～」
「送畀覺得非洲乜都無嘅你～」

你正在無聊地刷着IG reels，突然就看到這麼一條影片：片中人以高亢的廣東話男聲旁白，他的幽默、正能量成功把你逗笑了，卻又是句句說到心坎。但看到最後，片主竟是一名「外國黑人」？！再點進他的主頁，你發現對方自稱「非洲王子」，擁有典型非裔的外表，卻說得一口流利廣東話。原來，這是「非洲王子」本人Kunbi @kunbifusion 與女友Zoe @zoesungwm 創立的IG帳號。Zoe在香港土生土長，Kunbi則是尼日利亞裔移民。他們於年半前創立IG，分享日常點滴，至今擁有超過13萬追蹤者。

可惜在現實中，王子與公主的故事並不如童話般美好。來港12年，Kunbi曾因其身分受過不少誤解、歧視。「污糟」、「臭」、「黑奴」……種種難聽標籤，就只因他的膚色與眾不同。但其實他也有中文名叫高禮軒，他也會上班、拍拖、去茶餐廳喝檸檬茶，就和普通香港人一樣，也和他其他在這裏打拼的同鄉一樣。於是，他們開設了「非洲王子」這個帳號，「想話畀香港人知，其實都有一班唔同種族嘅人喺度生活。」

文字：Yanto @yanto_924
攝影：Andrew @andrew_bangchan
設計：Kayan @yipyn

｜融入不易

縱觀Kunbi與女友、朋友、觀眾的互動，無論是聽寫讀說，廣東話如今已難不倒他。但其實12年前他初來乍到時，也曾只是個徬徨的17歲少年。當年他為追求更好生活，跟隨父親來港定居。但人生路不熟，加上語言不通，「 我啱啱嚟嘅時候咩朋友都無，所以我平時都係喺屋企睇電影咋，都好少出去。」

為了儘快適應本地生活，Kunbi先是報讀廣東話課程，用半年時間打好語言基礎，再進修高級文憑，終於在畢業後如願當上工程師。在球場上，他更結識到一群志趣相投的球友。有趣的是，大家一開始都不知道他會說廣東話，但依然熱情地邀他一起玩，「佢哋平時都係講英文，好似係見到我拍嘢之後先同我講：『你識廣東話㗎？』」

可惜並非所有不認識Kunbi的人，都會對他如此友善。「（嚟到香港）第一晚同爸爸坐巴士返屋企，我哋坐低之後，有啲人都係企起身，坐去另一個位。」多年間，類似的經歷依然屢見不鮮。「我啲朋友都會好嬲，但我會同佢哋講『唔使啦』。」他認為沒必要為這些萍水相逢的人生氣，「都係（而家）呢個時間先會見到佢哋，遲啲都唔會再見啦。」

｜非洲王子的誕生

對於陌生人的惡意，Kunbi看得很開，反倒是身邊人更常為他抱打不平，尤其是日夜相對的枕邊人Zoe。他們四年前於交友軟件上認識，旋即墜入愛河。所幸的是，他們的戀情並未因膚色、背景不同而遭家人阻撓；最多意見的，反而是最不熟悉他們的人。「有次喺餐廳，有個婆婆同我講：『你諗清楚未？你之後同佢生個小朋友係黑色㗎喎。』」當然，愛意未會受閒言閒語動搖，但有時這些惡意，卻直接影響到了他們的生活。

起初他們決定同居、要租房子時，實在困難重重。「Agent可能見到佢個名，或者見到佢個頭像，都會拒絕或者唔想見。」有次他們實在喜歡一個租盤，甚至已準備簽約，業主一見Kunbi卻大發雷霆，斷言拒絕，「佢話『我唔會租畀呢啲人㗎，佢哋好差，佢哋啲食物煮出嚟好臭，會整到好污糟！』」即使憤怒、委屈，二人始終無可奈何，最後亦只能另覓住處。

「呢度係會有呢啲人。」初初來港時，父親已這樣對Kunbi説。但有別於部分人對他們的冷眼、質疑，對Zoe與Kunbi而言，雙方的種族差異其實從不是障礙，反而為他們的相處帶來更多樂趣。尤其是因Kunbi文化背景而起的「非洲王子」帳號，至今已成為他們生活不可或缺的一部分。

Zoe的正職為市場營銷，對於大眾取向，她一向觸覺敏銳。「佢哋啲民族pattern造耳環、造衫好靚，再嚟就係佢哋煮啲食物好特別，我唔覺得香港人會認識。」於Zoe的推動下，二人便一同開設社交帳號，建立「非洲王子」這個人設，分享有關非洲的各種事物。一開始，他們主要介紹非洲的不同菜式，卻發現很快便不夠題材，「最後煮到第七樣，我哋已經無片可以做喇，就話不如做啲無聊嘢，譬如講下聽日要返工好辛苦啊，講啲勉勵人心嘅說話。」沒想到越來越多人轉發他們的內容，「啲人覺得佢講嘢好正面、好搞笑、好可愛。」他們開始受到觀眾、品牌廠商關注，平台亦漸有起色，讓他們備受鼓舞。

｜從香港到非洲，再回到香港

去年八月，Zoe第一次隨Kunbi回尼日利亞拉各斯探親，他們亦不忘拍攝素材，剪輯成《送畀覺得非洲乜都無嘅你》，帶觀眾一同認識尼日利亞。「嗰條片係最多人有迴響嘅。有啲人話『你哋有水飲嘅？你哋有屋住？你哋唔係騎馬返工㗎咩？』」其實那裏也有汽車、樓宇、超市，孩子們健康成長，並不像一般人香港人所認知的「非洲」。就連Zoe自己，也重新認識了這個地方。最令她感到驚訝的，是這個地方的貧富差距。「因為Lagos係好大㗎，佢有好窮嘅貧民窟，但都有好有錢嘅地方，喺嗰度我哋一餐食咗600港幣，係一個好靚嘅地方。」也許到頭來，非洲與香港的距離並非如想像中大。

這次的回鄉經歷，更讓Zoe見識到當地人的熱情奔放。那是Kunbi母親的五十大壽，為此他們在家中大排筵席，舉行生日派對慶祝。派對的規模之盛大，足以讓人驚呼連連。姑勿論現場有保安、宰牛環節、活動製作公司等，光是吃飯，便已有「六個女人煮飯，煮咗成晚，煮咗12個鐘飯，因為要供給300幾人。」而這樣的派對，要付多少入場費？全免。但好客如非洲人，也會為自己的權益爭取到底。購物時為了講價，「佢哋會做一場戲：『點解我要畀呢個價？我哋係family！』『即係你而家幫外人？』然後走去另一間舖頭坐低，又翻翻嚟。」

種種文化差異，雖然衝擊，但Zoe並不反感。「有時我喺尼日利亞無咩做，我就諗其實我喺香港咁辛苦返工為乜呢？喺度都幾舒服吖。當生活可以如此簡單，快樂、滿足變更隨手可及。不過，她和Kunbi始終更喜歡城市化生活，他們也還是希望向香港人呈現他們眼中的非洲，讓更多人認識這個地方、這個族群。

｜繼續進發

在他們的持續努力下，香港大眾亦對Kunbi、以至非裔族群的態度有所轉變，在Zoe眼中尤為明顯。「以前大家都避開你，而家見到你就：『我可以同你影張相嗎？』我自己覺得係一個好大嘅轉變，好開心。」對於帳號的經營，二人也越發投入。以往主要是Zoe負責影片的策劃、拍攝、剪輯，Kunbi就負責上鏡演繹腳本；現在，Kunbi也開始幫忙上字幕、後製等工作，亦有了更多創作靈感，例如開始《鏡子說》系列，對著廁所鏡子（躲著Zoe）跟觀眾閒聊。留言總是笑言Kunbi「花式自殺」、「今晚又要7街瞓！」他則回應：「非洲人永遠唔會驚！」

實際上，自從開設帳號以來，二人關係只有變得更加親密。由於工作需要，他們每天如膠似漆：「因為我哋會一齊拍嘢，一齊諗辦法，好多嘢都可以講到；但都有唔好嘅地方，就係好似一直圍繞住呢件事。」Zoe笑說，他們本想每個月抽一兩天休息，完全放空腦袋、不去想拍攝事宜，卻發現自己還是太上心、做不到。幸好，他們的性格又是一溫一火，Zoe性子急，Kunbi卻是拖延症患者；於是她會督促他完成工作排程，他又總會安撫好焦躁的她。「我就好易嬲，佢就完全相反，大家搵返平衡囉。」

隨著帳號越做越大，為了未來營運，Zoe決定投放更多時間，專心幫忙行政、影片製作等工作。「我哋覺得可以好好把握呢個時刻，去嘗試多啲唔同嘅嘢。」他們現更正在準備為Kunbi發行唱片，為觀眾帶來更多類型的創作內容；同時，他們也開始與其他創作者合作，讓更多人認識「非洲王子」，展示這位王子、這個族群的更多面向。

「想話畀香港人知，其實都有一班唔同種族嘅人喺度生活。」把非洲帶進香港視野的第一步，他們成功了。那麼會不會有一天，巴士上的乘客不再躲開Kunbi，街上的路人不再問Zoe是否為了他的財富，非洲王子與香港公主，也終能迎來他們的快樂結局？

——————————————————————
In ACOO, you can see #ACOOPerson.